Стол теннисчиларимиз Жазоирда 8 медаль соҳиби бўлди
Жазоирда стол тенниси бўйича “WТТ Youth Contender” мусобақасида ёш теннисчиларимиз муваффақиятли иштирок этди. Унда Aмир Шириев 11 ёшгача бўлганлар тоифасида олтин медални қўлга киритди.
15 ёшгача бўлган қизлар (U15) тоифасида Aсель Еркебаева мусобақа финалигача етиб борди ва кумуш медаль соҳибига айланди. Ушбу ёш тоифасидаги ўғил болалар беллашувида Темурбек Нурмонов бронза медали билан тақдирланди.
Шу тариқа “WТТ Youth Contender” мусобақаси якунига кўра, терма жамоамиз 2 та олтин, 1 та кумуш ва 5 та бронза, жами 8 медаль жамғарди.
Жавоҳир Тошхўжаев, ЎзА