Маълумотларга кўра, бугунги кунда республикамизда 4 миллионга яқин уй-жойларнинг кадастр ҳужжати йўқ. Уларнинг аксарияти қишлоқ хўжалигига мўлжалланган суғориладиган ер майдонлари балансида турипти. Тегишли ҳокимлик қарори билан уй-жой учун ер берилган, аммо кадастр ҳужжати қилинмаган.

Эндиликда ўзбошимчалик билан эгалланган ер участкалари ҳамда уларда қурилган бино ва иншоотларга бўлган ҳуқуқларни эътироф этиш бўйича давлат акцияси кутилмоқда. Олий Мажлис Қонунчилик палатасига киритилган “Ўзбошимчалик билан эгалланган ер участкалари ҳамда уларда қурилган бино ва иншоотларга бўлган ҳуқуқларни эътироф этиш тўғрисида”ги қонун лойиҳаси айни масалалар ечимига қаратилгани билан аҳамиятли. 

Қонун лойиҳасида кўзда тутилаётган масалалар бўйича Олий Мажлис Қонунчилик палататаси депутати Нуриддин Султонов батафсил гапириб берди. Депутат қайси ҳолатларда ўзбошимчалик билан эгалланган ер участкалари ҳамда уларда қурилган бино ва иншоотларга эгалик ҳуқуқлари эътироф этилиши ёки ерлар қайтариб олиниши, қандай ҳолатда ҳужжати йўқ уй-жойлар бузилиши мумкинлиги, шунингдек, қайси муддатгача берилган ерлар назарда тутилаётгани ҳақида қонун лойиҳасида белгиланаётган нормаларга тўхталди. 

<iframe width="650" height="420" src="https://www.youtube.com/embed/biGqmY8EYIM" title="Hujjatsiz yer uchastkalariga nisbatan egalik va ijara huquqlari berilishi kutilmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Муҳтарама Комилова, ЎзА