BAAning Dubay shahrida tennis bo‘yicha xotin-qizlar o‘rtasida mukofot jamg‘armasi 100 ming AQSH dollarini tashkil etuvchi xalqaro turnir o‘tkazilmoqda.

Qiziqarli bahslarga boy o‘tayotgan mazkur musobaqada hamyurtimiz Nigina Abduraimova 1/8 final uchrashuvida rossiyalik Yekaterina Makarovani 6:0, 2:6, 6:2 hisobida mag‘lub etdi. Bugun Niginaning yakkalik bahslari chorak finalidagi raqibi nomi ma’lum bo‘ladi.  

Ma’lumot uchun, N.Abduraimova Butunjahon xotin-qizlar tennis uyushmasi reyting jadvalida 245-pog‘onada bormoqda. Mamlakatimizning birinchi raqamli tennischisi ushbu ro‘yxatda 2014 yili 144-o‘ringa qadar ko‘tarilgan edi.  

Javohir Toshxo‘jayev, O‘zA