“Universitas Indonesia”ning dunyo universitetlarida Yashil iqtisodiyot bilan bog‘liq mavjud holat va siyosat bo‘yicha amalga oshirilayotgan ishlar natijalarini taqdim etuvchi reytingida Toshkent davlat yuridik universiteti 496-o‘rinni egalladi.

Reytingda jahonning 80 dan ortiq davlatidan mingga yaqin oliy ta’lim muassasasi ishtirok etdi. Toshkent davlat yuridik universiteti mazkur reytingda mamlakatimiz oliy ta’lim muassasalari orasida eng yuqori natijalardan birini qayd etdi.

Ushbu natija, albatta, yurtimizda oliy ta’lim sohasida amalga oshirilayotgan keng ko‘lamli islohotlarning amaldagi samaralaridan biri deyish mumkin. Qolaversa, universitetda yo‘lga qo‘yilgan tizim, ta’lim sifatini oshirishga qaratilgan sa’y-harakatlar dargohning bu kabi marralarida muhim omil bo‘lmoqda.

Muhtarama Komilova, O‘zA