9 aprel sohibqiron Amir Temur tavalludining 686 yilligi munosabati bilan Toshkentdagi Amir Temur haykali poyiga gul qo‘yish marosimi bo‘ldi.

Bugun erta tongdan Amir Temur haykali poyida tarixchilar davlat va jamoat arboblari, shoir va yozuvchilar, mahalla faollari, yoshlar jam bo‘ldi. Tarixchilar Amir Temur davlatchiligi haqida ma’lumot berishdi.

A.Navoiy nomidagi Toshkent davlat o‘zbet tili va adabiyoti universiteti professori Hamidulla Dadaboyev Amir Temur jang san’ati haqida gapirdi.

Temurbeklar maktabi o‘quvchilari esa harbiy mashqlardan chiqishlar namoyish etishdi.

Tadbirda qo‘shni mamlakat tarixchi olimlari va xorijiy mehmonlar ham ishtirok etdi.

Tadbir so‘nggida tashkilotlar tomonidan Amir Temur haykali poyiga gul qo‘yilib Sohibqironga hurmat bajo keltirildi.

Sh.Otaboyev, N.Abduvoyitov (video), O‘zA