Oliy ta’lim tizimida 11 oyda 81 nafar xodim korrupsiyaviy jinoyatlar tufayli jazolangan
Mamlakatimizda oliy ta’lim tizimida korrupsiyaga qarshi kurashish borasida tizimli ishlar olib borilmoqda.
Ammo shunga qaramay, Ichki ishlar vazirligining ma’lumotlariga ko‘ra, oliy ta’lim tizimidagi korrupsiyaviy jinoyatlar ko‘rsatkichi, ya’ni korrupsiyaviy harakatlar oqibatida sudlangan xodimlar soni 2023 yilda 106 nafarni, 2024 yilda 90 nafarni, 2025 yilning 11 oyida esa 81 nafarni tashkil etgan.
Bu haqda Oliy ta’lim, fan va innovatsiyalar vaziri K.Sharipov parlament quyi palatasining majlisida ma’lum qildi.
Unda vazirning “Korrupsiyaga qarshi kurashish bo‘yicha davlat dasturlarining ijrosi hamda sohada korrupsiya omillarini bartaraf etish borasida amalga oshirilayotgan ishlar to‘g‘risida”gi axboroti eshitilmoqda.
Muhtarama Komilova, O‘zA