Bugun, 25 yanvar kuni "Manchester Siti" "Etihad" stadionida Angliya Premer-ligasi 23-turidan o‘rin olgan uchrashuvda "Chelsi" jamoasini qabul qiladi.

Xo‘sh, ushbu o‘yinda O‘zbekiston milliy terma jamoasi himoyachisi Abduqodir Husanov maydonga tushadimi yoki zaxirada qoladimi?  

Angliyaning "The Sporting News" nashri ushbu masala yuzasidan uchrashuvda kimlar maydonga tushishi borasida ehtimoliy tarkiblarni e’lon qildi.  

Unga ko‘ra, "Manchester Siti"ning taxminiy tarkibi quyidagicha ko‘rinish oldi:  

Ederson (darvoza) – Husanov, Akanji, Gvardiol – Lyuis, Gyundogan – De Bryuyne, Grilish – Foden, Holand, Marmush.  

Jarohatlanganlar: Bobb, Rodri, Doku, Savino, Ake, Diash.

Diashning jarohati sabab maydonga tushmasligini inobatga olsak, Abduqodirning asosiy tarkibda harakatlanish ehtimoli ko‘proq.

T.Ro‘ziyev, O‘zA