Prezident tashrifidan so‘ng...

Mamlakatda sanoat, energetika va axborot texnologiyalari rivojlanib, yangi-yangi majmualar ishga tushirilsa zamonaviy bilimga ega kadrlarga talab ortadi.

Olmaliq shahrida Toshkent davlat texnika universiteti hamda Moskva po‘lat va qotishmalar institutining filiallari faoliyat olib boradi. Yaqinda bu ta’lim dargohlariga qo‘shimcha Olmaliq kon-metallurgiya kombinatining Muhandislik maktabi tashkil etildi.

Prezident Shavkat Mirziyoyev 15 oktyabr kuni mazkur maktab faoliyati bilan tanishgan edi. Ta’kidlash joiz, bu yerda xorij tajribasi asosida yiliga besh yuz nafarga nafar muhandis tayyorlanadi. Ming nafar xodimning malakasi oshiriladi.

Ta’limning bu yo‘nalishiga e’tiboror bugun har qachongidan ham dolzarb ekanini olib borilayotgan islohotlar, qabul qilinayotgan hujjatlarda ham ko‘rish mumkin.

Xususan, O‘zbekiston Respublikasi Prezidentining 2024 yil 2 fevraldagi qarorida bu borada qator muhim vazifalar belgilangan. Hujjatga muvofiq, muhandislik-texnika yo‘nalishida kadrlar tayyorlaydigan oliy ta’lim muassasalari tashkiliy-boshqaruv faoliyati takomillashtirilmoqda. O‘quv dasturlarining zamonaviy texnologiyalar va ish beruvchilar talabiga muvofiqligi o‘rganilmoqda.

Birinchi bosqichda o‘nta oliy muhandislik maktabi tashkil etilishi belgilangan.

Prezident Shavkat Mirziyoyev 20 iyun kuni Toshkent davlat texnika universiteti, Buxoro muhandislik-texnologiya instituti, Toshkent davlat transport universiteti, Farg‘ona politexnika instituti, Toshkent arxitektura-qurilish universiteti va Toshkent axborot texnologiyalari universiteti huzurida tashkil etilayotgan oliy muhandislik maktablari taqdimoti bilan tanishgan edi.

Davlat rahbari tashrifidan so‘ng Olmaliq kon-metallurgiya kombinatining Muhandislik maktabi direktori Behzod Salimov bilan suhbatlashdik.

Suhbatni O‘zAning yutubdagi sahifasida tomosha qiling.

<iframe width="640" height="420" src="https://www.youtube.com/embed/egAOmWK_u2U" title="Olmaliq kon-metallurgiya kombinatining Muhandislik maktabidan reportaj" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ikrom AVVALBOEV,

O‘zA muxbiri