Зеленский вақтинчалик сулҳга қарши чиқмоқда(ми)?

Халқаро ОАВ тарқатган маълумотларга кўра, АҚШ президенти Дональд Трамп ва Россия етакчиси Владимир Путин ўртасида бўлиб ўтган телефон мулоқотида 9 май Ғалаба куни муносабати билан вақтинчалик сулҳ эълон қилиш масаласи муҳокама қилинган. Ушбу ташаббус айрим дипломатик манбаларда Россия томонидан фронт чизиғида қисқа муддатли тинчлик ўрнатиш таклифи сифатида ҳам баҳоланган.

Украина раҳбари Владимир Зеленский мазкур масала юзасидан муносабат билдириб, ўз мамлакати учун асосий мақсад рамзий ёки қисқа муддатли тинчлик эмас, балки барқарор ва узоқ муддатли тинчликка эришишдир. Зеленский бундай таклифлар низони ҳал этишга олиб келмаслигини, аксинча, улар фақат вақтинчалик танаффус вазифасини бажариши мумкинлигини қайд этди.

У шунингдек, сиёсий аҳамиятга эга сана муносабати билан берилган “бир неча соатлик хавфсизлик кафолати” етарли эмаслигини билдирди. Зеленский фикрича, тинчлик жараёни барча томонларнинг иштирокида, халқаро ҳуқуқ нормалари асосида ва доимий кафолатлар билан таъминланган ҳолда амалга оширилиши лозим.

 Ф.Яхшибоева, ЎзА