Зеленский: Россия Эронни разведка билан қўллаб-қувватламоқда (+видео)
Украина президенти Владимир Зеленский Россия Эронни разведка маълумотлари билан қўллаб-қувватлашни давом эттираётганини айтди. Унинг сўзларига кўра, Москва “очиқдан-очиқ бузғунчи фаолият” олиб бормоқда. Бу ҳақда DW нашри хабар қилди.
23 март куни Зеленский Украина Мудофаа вазирлиги ҳузуридаги бош разведка бошқармаси раҳбари Олег Иващенко ҳисоботига таяниб шундай баёнот берди.
“Бизда россияликлар Эрон режимига разведка маълумотлари бераётгани ҳақида рад этиб бўлмайдиган далиллар бор”, — деб ёзди у Telegramда.
Кейинроқ X тармоғидаги постида Зеленский Россиянинг бу ҳаракатларини “тўхтатилиши керак бўлган бузғунчи фаолият” деб атади. У Россия Эронга ёрдам бериш орқали урушни узайтираётганини таъкидлади.
АҚШ президентининг махсус вакили Стивен Уиткофф 8 март куни Россиядан Эронни қўллаб-қувватламасликни сўраган эди. Бироқ кейинроқ у Россия раҳбарияти бу айбловларни рад этганини айтди. “Уларнинг сўзларига ишониш мумкин. Умид қиламизки, улар ёрдам бермаяпти”, — деди Уиткофф.
Аввалроқ The Washington Post нашри ҳам Москва Теҳронга АҚШ қўшинларига зарба бериш учун разведка маълумотлари бераётганини ёзган эди.
The Wall Street Journal эса Россия Эрон билан ҳарбий ҳамкорликни кучайтирганини, жумладан сунъий йўлдош тасвирлари ва дрон технологияларини тақдим этаётганини хабар қилди. Ушбу маълумотларга қараганда, Россия бунда Украинага қарши урушдаги тажрибасидан фойдаланмоқда.
<iframe width="650" height="420" src="https://www.youtube.com/embed/m-HZUQ-N1n0" title="Zelenskiy: Rossiya Eronni razvedka bilan qo‘llab-quvvatlamoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Искандар Исматов, ЎзА
