Зеленский Путин билан Туркияда учрашишни таклиф қилди (+видео)
Киев Туркияга мурожаат қилиб, Украина ва Россия президентлари Володимир Зеленский ва Владимир Путин ўртасида олий даражадаги учрашувни ташкил этишни сўради, деб хабар берди TRT канали.
Бу ҳақда Анталия дипломатик форумида Украина ташқи ишлар вазири Андрей Сибига маълум қилди.
Киев бу эҳтимолий учрашувда Туркия президенти Режеп Таййип Эрдоған ва АҚШ президенти Дональд Трамп ҳам иштирок этишини таклиф қилмоқда.
Украина ташқи ишлар вазирига кўра, Киев музокараларга тайёр ва аниқ таклифларга эга. Туркия эса дунёнинг энг кучли армияларидан бирига эга давлат сифатида тинчлик жараёнини тезлаштиришда муҳим роль ўйнаши мумкин.Анқара аввал ҳам икки давлат ўртасидаги музокараларга мезбонлик қилган.
Жорий йил февралдан бери Россия–Украина ўртасидаги тинчлик масалалари бўйича ҳаракатлар тўхтаб қолган. Икки томон ҳам бу танаффусни Вашингтон эътибори Эрон масаласига қаратилгани билан изоҳламоқда.
<iframe width="480" height="860" src="https://www.youtube.com/embed/5AUc2CzO3Vk" title="Zelenskiy Putin bilan Turkiyada uchrashishni taklif qildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Улуғбек Тўхтаев (видео), ЎзА
