Эрон: Ҳурмуз бўғози бўйича келишувдан ҳали узоқмиз (+видео)
АҚШ Эрон портларига қўйилган чекловларни бекор қилмагунча Эрон расмийлари Ҳурмуз бўғози ёпиқ бўлишини билдирмоқда, дейилади Euronews хабарида.
Стратегик аҳамиятга эга бўлган Ҳурмуз бўғози якшанба куни ҳам ёпиқ ҳолатда қолди. Нашрнинг маълум қилишича, Эрон парламентининг нуфузли спикери Муҳаммад Бағир Ғолибоф музокараларда айрим силжишлар бўлса-да, тинчлик келишувига ҳали узоқ эканини айтган.
Музокаралар Покистонда бўлиб ўтган учрашувлардан кейин давом этмоқда, бироқ кутилган натижа йўқ. Эрон эса АҚШ ўз чекловларини бекор қилмагунча бўғозни тўлиқ очмаслигини билдирмоқда.
АҚШ президенти Дональд Трамп музокаралар “яхши кетаётганини” айтган бўлсада, лекин Эронни босим ўтказиш ва таҳдид қилишда айблаган.
Эроннинг баёнотига кўра, Ҳурмуз бўғози орқали дунё нефтининг катта қисми ўтади, шунинг учун уни ёпиш ёки чеклаш глобал бозорга катта таъсир кўрсатади.
Эрон томони, агар АҚШ Эрон портларига қўйган чекловларни бекор қилмаса, бўғозда ҳаракат тўхталишидан огоҳлантирган. Ҳатто, бўғоздан рухсатсиз ўтишга уриниш ҳам қоидабузар кемаларнинг “нишон”га айланишига сабаб бўлишидан огоҳлантирган.
Шанба куни айрим нефть ва газ танкерлари бўғоздан ўтган, лекин кейин ҳаракат кескин камайган. Айрим хавфсизлик агентликлари кемаларга нисбатан отишмалар ва таҳдидлар бўлганини ҳам хабар қилган.
Масалан, Ҳиндистон ташқи ишлар вазирлиги бу воқеалар юзасидан Эрон элчисини чақириб, норозилик билдирган. Чунки, отишмалар юз берган ҳудудда Ҳиндистон байроғи остида ҳаракатланаётган иккита кема ҳам бўлган.
<iframe width="484" height="860" src="https://www.youtube.com/embed/x640EbBBK7Q" title="Eron: Hurmuz bo‘g‘ozi bo‘yicha kelishuvdan hali uzoqmiz" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe> Кенжа Бекжонов, Искандар Исматов (видео), ЎзА
