2025 жылдың қаңтар–мамыр айлары аралығында Өзбекстанға 4,2 миллион шетелдік турист келген. Бұл көрсеткіш былтырғы жылдың осы кезеңімен салыстырғанда 48,2 пайызға артық.

Ұлттық статистика комитеті келушілердің басым бөлігі көрші мемлекеттерден екенін мәлімдеді. Атап айтқанда, ең көп турист Қырғызстаннан келген — 1,2 миллион адам. Одан кейінгі орындарда:

• Тәжікстан – 993,7 мың
• Қазақстан – 889,6 мың
• Ресей – 334,3 мың
• Ауғанстан – 199,2 мың
• Түркіменстан – 142,5 мың
• Түркия – 65,8 мың
• Қытай – 51,9 мың
• Үндістан – 28,5 мың
• Италия – 17,4 мың
• Ал басқа елдерден – 201,1 мың адам келіп, Өзбекстанның тарихи-мәдени көрнекі орындарына қызығушылық танытқан.