Өзбекстанда құлпынайдың «Таң шапағы» атты жаңа сорты ойлап табылды.

Ауыл шаруашылығы министрлігіне қарасты көкөніс, бұршақ және картоп шаруашылығы ғылыми-зерттеу институтының Әндіжан ғылыми-тәжірибе станциясында құлпынайдың жаңа «Таң шапағы» сорты ойлап табылды.

Бұл құлпынайдың басқалардан айырмашылығы - оны жылыжайда жылдың кез келген уақытында, яғни жыл бойы өсіріп жеміс алуға болады.

Сонымен қатар, «Таң шапағы» өнімділігі өте жоғары. Әр көшеттен 0,5 келіге дейін жеміс береді. Қазіргі таңда ғылыми тәжірибе станциясының жылыжайына құлпынай көшеттері отырғызылып, оны көбейтіп, тұрғындардың тұтынуына бағыттау мақсатында көбірек алқапқа егуді қамтамасыз ету жоспарланған.