“Турон” мактаб театри ғолиблари аниқланди
Навоий вилоят Болалар қўғирчоқ театрида ўқувчиларда нотиқлик санъати ва саҳна маданиятини шакллантириш, ўз салоҳиятларини юзага чиқариш, таълим муассасаларидаги театр студиялари фаолиятини қўллаб-қувватлаш мақсадида “Турон” мактаб театри республика кўрик-танловининг вилоят босқичи кўтаринки руҳда ўтказилди.
Ушбу танловда иштирок этиш учун вилоятдаги 367 та умумий ўрта таълим мактабларидан 2 496 нафар жамоа онлайн рўйхатдан ўтди.
Жамоалар жорий йилнинг 2-6 март кунлари танловнинг туман (шаҳар) босқичларида иштирок этди. Ғолиб бўлган 11 та жамоа иштирокчилари танловнинг вилоят босқичида “Бизнинг мактаб” номли таништирув ва савол-жавоб ҳамда “Театр – ибратхона” шартларида ўз иқтидорларини намойиш этди.
[gallery-28505]
Якуний натижаларга кўра, Кармана туманидаги 3-мактабнинг “Шукур Бурҳонов издошлари” жамоаси 2-ўринни, Хатирчи туманидаги 5-мактабнинг “Турон юлдузлари” жамоаси 3-ўринни эгаллади. 1-ўринни эса Навоий шаҳридаги 22-мактабнинг “Келажак” жамоаси қўлга киритди ва якуний босқичда иштирок этадиган бўлди.
Ғолиб ва совриндор жамоалар, шунингдек, фаол иштирокчилар муносиб тақдирланди.
А. Бўриев, С. Аслонов (сурат), ЎзА мухбирлари
