Кредит чиқариб беришни ваъда қилган фирибгар ушланди (+видео)
Давлат хавфсизлик хизмати Тошкент вилоят бошқармаси ҳамда Иқтисодий жиноятларга қарши курашиш департаменти ходимлари ҳамкорлигида ўтказилган фаол тадбир натижасида фирибгарликка оид ноқонуний ҳолатга чек қўйилди.
Тошкент шаҳар Яшнобод туманида яшовчи 1988 йилда туғилган А.О. фуқарога “Агробанк” АТБ ишловчи мансабдор танишлари орқали 46 миллиард сўм кредит маблағларини расмийлаштириб бериш эвазига ундан 20 минг АҚШ долларини талаб қилган. Жорий йилнинг 16 март куни у талаб этилган суммани олган вақтида ашёвий далиллар билан жиноят устида қўлга олинди.
Мазкур ҳолат юзасидан ИЖҚК департаменти вилоят бошқармаси томонидан юқорида қайд этилган шахсга нисбатан Ўзбекистон Республикаси Жиноят кодексининг 168, 211-моддалари билан жиноят иши қўзғатилди ва қамоқ эҳтиёт чораси қўлланилди.
<iframe width="640" height="420" src="https://www.youtube.com/embed/hmzHYyiCikI" title="Kredit chiqarib berishni va’da qilgan firibgar ushlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>А. Мусаев, ЎзА
