Gandbol: O‘zbekiston chempionati bahslari boshlandi

Bugun, 22-fevral kuni poytaxtimizdagi “Olimpiya shaharchasi” o‘yin sport turlari majmuasida gandbol bo‘yicha erkaklar va ayollar jamoalari o‘rtasida O‘zbekiston chempionatining 1-davra o‘yinlari boshlandi.

Musobaqada yurtimizning eng kuchli 8 ta ayollar va 10 ta erkaklar jamoalari g‘oliblik uchun kurash olib bormoqda.

Erkaklar o‘rtasidagi 1-davra o‘yinlarida jamoalar “A” va “B” guruhlarga taqsimlangan holda kurash olib bormoqda.

Xuddi shuningdek, ayollar jamoalari o‘rtasida ham 8 ta jamoa 2 ta guruhga taqsimlangan holda musobaqalarda qatnashmoqda.

Musobaqalar 28-fevralga qadar davom etadi.

T.Ro‘ziyev, O‘zA