ФОТОРЕПОРТАЖ

Қазіргі күндері тарихи Бұхара қаласы халықаралық деңгейдегі ірі мәдени оқиға — XXI дәстүрлі «Жібек және дәмдеуіштер фестивалінің» айбынды алаңына айналып отыр. Мыңжылдықтар бойы өркениет тоғысқан бұл көне шаһар бүгінде ұлттық рух пен әлемдік мәдени әртүрлілікті тоғыстырған мерекенің нағыз үлгісіне айналды.

Шәһристан алаңы — фестивальдің негізгі сахнасы іспетті. Бұл күндері мұнда шетелдік және жергілікті туристердің қарасы қалың, қонақтар көне Бұхараның ерекше рухын, бай мұрасын, түрлі ұлттар мен мәдениеттердің тоғысқан салтанатын көзбен көріп, көңілмен сезінуде.

Фестиваль аясында көрермендер мен қатысушыларды алуан түрлі мәдени бағдарламалар, ұлттық нақыштағы қолөнер жәрмеңкелері, қолданбалы өнер көрмелері, жанды музыкалық орындаулар мен дәмі мен дәстүрі астасқан гастрономиялық көрсетілімдер күтіп тұр.

Фестивальдің айрықша назар аударатын сәттері қатарында:

• Жібек пен ұлттық қолөнер бұйымдары көрмесі,
• «Палаудың сәні» атты ұлттық тағамдар байқауы,
• «Silk&Spices Fashion days» атты отандық және шетелдік дизайнерлер қатысатын сән көрсетілімі,
• Бейнелеу және қолданбалы өнердің ұлттық галереясы мен фотосуретшілер көрмесі — барлығы да қонақтардың зор қызығушылығын тудырып отыр.

[gallery-23805]

суреттерді түсірген Т.ИСТАТОВ, ӨзА