Беш нафар боксчимиз Осиё чемпионлиги учун рингга кўтарилади

Мўғулистон пойтахти Улан-Батор шаҳрида бокс бўйича Осиё чемпионати ўтказилмоқда. Бугун, 10 апрель куни мусобақа доирасида эркаклар ўртасидаги финал жанглари бўлиб ўтади. Унда 5 нафар боксчимиз рингга кўтарилади.

Жумладан, вазни -65 кг. бўлган Абдуллоҳ Мадаминов таиландлик Бунджонг Синсири билан олтин медаль учун жанг қилса, -75 кг. вазнда Жавоҳир Абдураҳимов қозоғистонлик Сабиржан Аккаликовга қарши рингга чиқади. Шунингдек, Осиё чемпионлиги учун -80 кг.да Фазлиддин Эркинбоев иорданиялик Ҳусейн Ишаиш, - 85 кг.да Жасурбек Йўлдошев қозоғистонлик Нурбек Оралбай, -90 кг.да Ҳалимжжон Мамасолиев тожикистонлик Парвиз Каримов ўртасидаги финал жангларига гувоҳ бўламиз.

Эсталиб ўтамиз, куни кеча  Ўзбекистон аёллар терма жамоаси аъзолари Осиё чемпионатида 2 та кумуш ва 3 та бронза медалга сазовор бўлди.

Жавоҳир Тошхўжаев,

ЎзА