Туристерге қолайлы жағдай жасау мақсатында Арал теңізі жағалауында ұялы байланыс пен интернет желісі іске қосылды.

Қарақалпақстан Жуқорғи Кенгесинің хабарлауынша, бұл жағдай Өзбекстан Президентінің 2024 жылғы 9 ақпандағы шешімі негізінде жүзеге асырылған. 

«Қарақалпақстан Республикасын кешенді әлеуметтік-экономикалық дамуды және халықты жұмыспен қамтуды қамтамасыз ету жөніндегі қосымша шаралар туралы» қаулыда 2024 жылдың наурыз айында туристерге қолайлы жағдай жасау мақсатында ұялы байланыс операторларымен бірлесе отырып Арал өңірін жоғары жылдамдықты мобильді интернетпен қамту мүмкіндігін зерделеу және сәуір айында Арал өңірін жоғары жылдамдықты мобильді интернетпен қамтамасыз ету туралы шешім қабылданған еді. 

Қаулыда Қарақалпақстанда бар табиғи шикізат ресурстарын тиімді пайдалану арқылы өнеркәсіп пен ауыл шаруашылығы салаларын қарқынды дамыту, әлеуметтік және өндірістік инфрақұрылымды жақсарту, кәсіпкерлік пен қызмет көрсету саласын қолдау, халықты жұмыспен қамтамасыз ету және өмір сүру деңгейін көтеру мақсатында бірқатар басқа да шаралар көзделген.