Стол тенниси: Ўзбекистон кубоги совриндорлари аниқланди
Пойтахтимизда 11 ёш тоифасида стол тенниси бўйича ўтказилган Ўзбекистон кубоги мусобақалари муросасиз ва шиддатли курашларга бой кечди.
Ўзбекистон стол тенниси федерацияси марказий спорт саройида олти кун давомида ўтган баҳсларда 11 ёшгача бўлган кичик ракетка усталари яккалик, жуфтлик, аралаш жуфтлик, жамоавий ва аралаш жамоавий йўналишларда куч синашди.
Мамлакатимизнинг барча ҳудудларидан маҳоратли ёш спортчилар қатнашган баҳслар якунида ўз йўналишларида Диёра Адилова ва Амир Шириев ғолиблик шоҳсупасига кўтарилди.
Шунингдек, маҳоратли кичик ракетка усталаридан Нафиса Орифхонова, Суҳайло Салимова, Аружан Элизбаева, Элбек Нурбоев, Анвархон Орифхонов, Оллонур Ҳолиқжонов совриндорлар қаторидан жой эгаллади.
Мусобақанинг жуфтлик ва аралаш жуфтлик баҳсларида Фарғона, Андижон, Тошкент вилояти жамоалари сингари Жиззах ва Хоразм вилояти вакиллари совринли ўринларга эга чиқди.
Т.Рўзиев,
ЎзА
