БАА йирик жиноий тўда раҳбари Дэниэль Кинанни Ирландияга топширди
“The Guardian” нашри хабар беришича, Бирлашган Араб Амирликлари ҳуқуқни муҳофаза қилиш идоралари йирик жиноий тўда раҳбари дея гумон қилинган 49 ёшли Дэниэль Кинанни Ирландияга экстрадиция қилди.
Гумондор Ирландия ҳукумати махсус самолётида Дублинга олиб кетилди. Жиноят ишлари бўйича судда унга уюшган жиноятчилик гуруҳига раҳбарлик қилиш айблови эълон қилингач, Дублиндан тахминан 80 километрдаги қамоқхонага жойлаштирилди.
Суриштирув маълумотига кўра, Кинан бошчилигидаги жиноий тармоқ Европага келтириладиган кокаиннинг қарийб учдан бир қисмини назорат қилиб келган. Шунингдек, ноқонуний қурол савдоси ва рэкет билан шуғулланган.
Телефон орқали берган интервьюсида Кинан “фаришта” эмаслигини тан олган эса-да, қўйилган айблов бўрттирилганини таъкидлаб, умрбод қамоқ жазоси кутаётганини айтди. Масалан, у бокс мусобақалари ташкил этиш орқали ноқонуний даромад ўзлаштирганлик айбини инкор этди.
Дарвоқе, Кинан йирик бокс промоутерлик компанияси раҳбари, спорт оламида таниқли шахс сифатида машҳур.
Ф.Яхшибоева, ЎзА
