Зидан "Олтин тўп" ҳақида: Месси яна ютса, ҳайрон бўлмайман
Франция терма жамоаси бош мураббийи Зинедин Зидан "Олтин тўп" учун номзодлар қаторидан жой олган Лионел Мессини қўллаб-қувватлади. Франциялик мутахассиснинг фикрича, аргентиналик футболчи нуфузли индивидуал совринни яна бир бор қўлга киритса, бу ажабланарли ҳолат бўлмайди.
"Месси ва "Олтин тўп"? Мен унга 100 марта овоз берган бўлардим. Месси бу совринни яна қўлга киритса, бундан умуман ҳайрон бўлмайман. Агар кимдир ҳали ҳам барча даврларнинг энг буюк футболчиси ким эканига шубҳа қилса, очиғини айтсам, бундай инсонга футбол жамиятида жой йўқ", — дея Зиданнинг сўзларини The Touchline келтирди.
Месси 2026-йилги "Олтин тўп" учун эълон қилинган 30 нафар даъвогар орасидан жой олган. Аргентиналик футболчи фаолияти давомида ушбу мукофотни саккиз марта қўлга киритган ва бу борада рекордчи ҳисобланади.
2026-йилги "Олтин тўп" соҳиби 26-октябрь куни эълон қилинади.
Ўзбек ва жаҳон спортига оид энг сўнгги янгиликлар: @Uzasport
Улуғбек Ҳошимов, ЎзА
