Ҳарбийларнинг фарзандларига имтиёзли тавсияномалар топширилди (+видео)
ФОТОРЕПОРТАЖ
Термиз шаҳридаги Ёшлар маркази биносида Термиз, Какайди ҳамда Хайрабод гарнизонидаги ҳарбий қисм ва муассасалар ҳарбий хизматчиларининг фарзандларига олий таълим муассасаларига ўқишга кириш учун имтиёзли тавсияномалар топширилди.
Президентимизнинг 2018 йил 14 майдаги “Ўзбекистон Республикаси Қуролли Кучлари ҳарбийлари ва уларнинг оила аъзоларини ижтимоий қўллаб-қувватлашга оид қўшимча чора-тадбирлар тўғрисида”ги қарорига мувофиқ 2018/2019 ўқув йилидан бошлаб, Ўзбекистон Республикаси Қуролли Кучлари таркибига кирувчи вазирлик ва идора ходимларининг фарзандлари учун олий таълим муассасалари бакалавриатига ўқишга кириш учун беш фоизли квота ҳамда хизмат бурчини бажариш чоғида ҳалок бўлган ёки ногирон бўлиб қолган ходимларнинг фарзандларига олий таълим муассасаларининг бакалавриатига танловсиз қабул қилиш тўғрисида тавсияномалар берилиши белгиланган.
[gallery-29558]
Маросимда Жануби-ғарбий махсус ҳарбий округ Жанубий оператив қўмондонлиги бошлиғи Мирсаид Шукуров сўз юритиб, белгиланган квота асосида олий таълим муассасаларига ўқишга ҳужжат топширишга тайёргарлик кўраётган ҳарбийларнинг фарзандларига омад тилади.
Тадбирда 52 нафар йигит-қизга беш фоизли квота асосида ўқишга кириш тўғрисидаги тавсиянома топширилди.
<iframe width="640" height="420" src="https://www.youtube.com/embed/JFTBbe0aC0E" title="Harbiylarning farzandlariga imtiyozli tavsiyanomalar topshirildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Жонибек ҚЎЗИМУРОДОВ (сурат, видео), ЎзА
