Дунё суратларда
ЎзА ўқувчиларни жаҳонда содир бўлган воқеа-ҳодисалардан суратлар ёрдамида бохабар этишда давом этади.
Ҳиндистон. Аҳмадобод шаҳрида тинмай ёққан ёғингарчилик турли вайронгарчиликка сабаб бўлди.
Швейцария. Жорий йил июнь-июль ойларида кузатилаётган жазирама оқибатида Рона тепалигида бир ой ичида 4 метрдан ортиқ муз қатлами эриб кетди. Экологлар бу ҳолатни иқлим ўзгаришининг жиддий оқибатларидан бири сифатида баҳоламоқда.
КХДР. Пхеньян шаҳрида Корея уруши тугатилганининг 73 йиллиги муносабати билан ўтказилган тадбирда Шимолий Корея раҳбари Ким Чен Ин ҳам иштирок этди.
Испания. Пелайос-де-ла-Преса ҳудудидаги ўрмон ёнғинидан сўнг Сан-Хуан сув омборида ёнғиндан куйиб кетган қайиқлар вайрон ҳолда қолди.
Буюк Британия. Лондон шаҳридаги Ричмонд боғида кийиклар тўлин ой томон юзланмоқда.
Ироқ. Нажафлик шиа вакиллари Ашуро кунидан кейинги 40 кунлик мотам даври якунланишини англатувчи Арбаин маросимида иштирок этиш учун Карбало шаҳри сари йўл олмоқда.
Ҳиндистон. Кашмирдаги Гунд ҳудудида ичида 40 га яқин йўловчи бўлган автобус жарликка қулаб тушди.
Япония. Токио шаҳрида “All Nippon Airways” (ANA) авиакомпаниясига тегишли самолётда “Pokémon” қаҳрамонлари тасвири акс эттирилди. Бу лойиҳа авиакомпания ва машҳур франшиза ҳамкорлигининг 30 йиллиги муносабати билан амалга оширилган.
Франция. Леж-Кап-Ферре ҳудудида иссиқлик тўлқини сабаб келиб чиққан ёнғиндан сўнг ўт ўчирувчилар алангани бартараф этмоқда.
Фардона Яхшибоева, ЎзА
