Чемпионлар лигасида илк тур якунланди
Футбол бўйича Европа чемпионлар лигасининг умумий босқичи биринчи тур учрашувлари якунланди. Турнинг сўнгги кунги дастуридан олтита ўйин ўрин олди.
Жумладан, Мюнхеннинг «Бавария» клуби ўз майдонида «Будё/Глимт»ни 5:0 ҳисобида мағлуб этган бўлса, «Манчестер Юнайтед» 4:0 ҳисобида «Сабаҳ»дан устун келди. Дарвоқе, «Манчестер Юнайтед» ва «Сабаҳ» учрашуви меҳмон жамоа учун Чемпионлар лигасидаги дебют ўйин бўлди.
Шунингдек, баҳсда ҳамюртимиз Умарали Раҳмоналиев меҳмонларнинг асосий таркибида майдонга тушди. У.Раҳмоналиев ўйинда 71 дақиқа ўйнади ва шундан сўнг унинг ўрнига Абдуллоҳ Хайбулаев туширилди. “Sofascore” портали футболчининг ушбу ўйиндаги ҳаракатларини 6.5 баллга баҳолаган.
Шунингдек, «Славия Прага» — «Ланс» учрашувида 2:3, «Комо» — «РБ Лейпциг» баҳсида 4:1 натижаси қайд этилди. «ПСВ» — «Шахтёр» ҳамда «Фенербаҳче» — «Рома» учрашувлари эса 1:1 ҳисобида дуранг билан якунланди.
Мусобақанинг биринчи тури якунларига кўра, «ПСЖ», «Бавария» ва «Барселона» клублари йирик ҳисобдаги ғалабалари эвазига кучли учликдан жой олди. Қолаверса, «Манчестер Юнайтед», «Комо», «Спортинг», «Штутгарт», «Манчестер Сити», «Астон Вилла», «Бетис», «Ланс», «Боруссия Дортмунд», «Ливерпуль», «Реал Мадрид», «Арсенал» ва «АЕК» клублари ҳам 3 очкодан жамғарган. Улар тўплар нисбатига кўра 4–16-поғоналарни эгаллади.
Жадвалнинг 17–20-ўринларидан эса бир очкога эга «Шахтёр», «Рома», «Фенербаҳче» ва «ПСВ» клублари жой олди.
Шунингдек, «Вильярреал», «Брюгге», «Лилль», «Славия Прага», «Интер», «Атлетико Мадрид», «Наполи», «ЛАСК», «Викинг», «Галатасарой», «Порту», «РБ Лейпциг», «Фейеноорд», «Сабаҳ», «Слован Братислава» ва «Будё/Глимт» жамоалари биринчи турдаги мағлубиятлари эвазига 21–36-ўринларни эгаллаган.
Чемпионлар лигасининг 2-тур учрашувлари 13–15 октябрь кунлари бўлиб ўтади.
13 октябрь: «Ланс» — «ПСВ», «Сабаҳ» — «Славия Прага».
14 октябрь: «Галатасарой» — «Барселона», «РБ Лейпциг» — «ПСВ», «Арсенал» — «Лилль», «Атлетико Мадрид» — «Манчестер Юнайтед», «Вильярреал» — «Наполи», «Викинг» — «Бавария», «Интер» — «Брюгге», «ЛАСК» — «Ливерпуль» ва «Фейеноорд» — «Комо».
15 октябрь: «Шахтёр» — «АЕК», «Бетис» — «Порту», «Рома» — «Реал Мадрид», «Слован Братислава» — «Штутгарт», «Астон Вилла» — «Фенербаҳче», «Манчестер Сити» — «ПСЖ» ва «Будё/Глимт» — «Боруссия Дортмунд».
Жавоҳир Тошхўжаев,
ЎзА
