Өзбекстан Президенті жұмыс сапарымен Қазақстанға барады

Өзбекстан Республикасының Президенті Шавкат Мирзиёев Қазақстан Республикасының Президенті Қасым-Жомарт Тоқаевтың шақыруына орай 29 мамыр күні жұмыс сапарымен Астана қаласына барады.

Мемлекет басшысы Жоғары Еуразиялық экономикалық кеңестің кезекті отырысы аясындағы іс-шараларға бақылаушы мемлекет жетекшісі мәртебесінде қатысады.

Саммиттің күн тәртібіне ұйым аясындағы көпжақты ынтымақтастықты одан әрі кеңейту мәселелері енгізілген. Сондай-ақ практикалық серіктестіктің басым бағыттары қарастырылады.