Ёш парламентарийлар биринчи форуми қандай якунланди?
Жорий йил 15-16 май кунлари пойтахт Тошкент муҳим халқаро форумга мезбонлик қилди. Тарихда илк бор, Олий Мажлис Қонунчилик палатаси ҳузуридаги Ёшлар парламенти ва Қирғиз Республикаси Ёш парламентарийлари биринчи форуми ташкил этилди.
Таъкидлаш жоиз, бугун Ўзбекистон ва Қирғизистон ўртасидаги муносабатлар мутлақо янги мазмун билан бойимоқда. Кейинги йилларда икки давлат раҳбарларининг қатъий сиёсий иродаси ва очиқ мулоқоти натижасида яхши қўшничилик, дўстлик ва стратегик шериклик алоқалари изчил ривожланиб, амалий натижалар бермоқда.
Форум Олий Мажлис Қонунчилик палатаси, Қирғиз Республикаси Жогорку Кенеши ҳамда Конрад Аденауэр жамғармасининг Марказий Осиё бўйича минтақавий ваколатхонаси ҳамкорлигида ташкил этилди. Унда икки мамлакат парламентлари вакиллари, ёш депутатлар, Ёшлар парламенти аъзолари, экспертлар ва жамоатчилик фаоллари иштирок этди.
Анжуманнинг асосий эътибори ёшларнинг ҳуқуқ ва манфаатларини ҳимоя қилишда парламент дипломатиясининг ўрни, қонун ижодкорлиги жараёнларида ёшлар иштирокини кенгайтириш, инновация, таълим, экология ва рақамли технологиялар соҳасида қўшма ташаббусларни илгари суриш масалаларига қаратилди.
<iframe width="650" height="420" src="https://www.youtube.com/embed/CaOB8ir0kEE" title=" Yosh parlamentariylar birinchi forumi qanday yakunlandi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Зиёвуддин Нуриддинов, ЎзА
