Владимир Свечников Осиё ўйинлари рекордини ўрнатди
Япониянинг Аичи ва Нагоя шаҳарларида ўтаётган ХХ Осиё ўйинларида мерганимиз Владимир Свечников 10 метр масофадан пневматик тўппонча билан отиш дастурида олтин медални қўлга киритди.
Аниқроқ айтадиган бўлсак, Владимир Свечников мусобақада 244,3 очко натижа билан Осиё ўйинлари рекордини янгилади. Мазкур олтин медаль Ўзбекистоннинг ўқ отиш спорти бўйича Осиё ўйинларида 32 йиллик танаффусдан кейинги биринчи чемпионлиги бўлди.
Шу тариқа, Ўзбекистон делегациясининг ХХ Осиё ўйинларидаги медаллари сони 4 та олтин, 9 та кумуш ва 7 та бронзага етди.
Жавоҳир Тошхўжаев, ЎзА
