Теннис: Камилла Раҳимовани Парижда жиддий синов кутмоқда
Франциянинг Париж шаҳрида теннис бўйича “Катта дубулға” туркумига кирувчи мукофот жамғармаси 61 миллион 723 минг еврони ташкил этувчи “Roland Garros” турнирида асосий тўрнинг иккинчи давра баҳслари бошланди.
Ушбу босқичда мамлакатимизнинг биринчи рақамли теннисчиси Камилла Раҳимова дунё теннис рейтингида ўнинчи поғонада бораётган чехиялик Каролина Мухова билан куч синашади. Ушбу ўйин бугун, 27 май куни Тошкент вақти билан соат 19:30дан сўнг бошланади.
Шунингдек, у эртага 28 май санасида Франция очиқ чемпионатининг жуфтлик беллашувларида чехиялик Анна Сискова билан тандемда биринчи даврада япониялик Макото Ниномия ва украиналик Надия Киченокка қарши кортга чиқади.
Жавоҳир Тошхўжаев,
ЎзА
