Спорт таълими: Ўзбекистон-Қозоғистон ҳамкорлиги ривожланмоқда
Өзбекстан мен Қазақстан арасындағы тату көршілік пен стратегиялық серіктестік білім және ғылым саласындағы ынтымақтастықтың да қарқынды дамуына жол ашып отыр. Екі елдің жоғары оқу орындары арасындағы байланыстарды нығайту, тәжірибе алмасу және бірлескен ғылыми жобаларды жүзеге асыру осы әріптестіктің маңызды бағыттарының бірі саналады.
Осы орайда Өзбекстан мемлекеттік дене шынықтыру және спорт университетінде Абай атындағы Қазақ ұлттық педагогикалық университеті делегациясының өкілдерімен кездесу өтті.
Кездесу барысында ынтымақтастық байланыстарын дамыту, профессор-оқытушылар құрамының өзара біліктілігін арттыруы мен шетелдік тағылымдамаларын ұйымдастыру, бірлескен ғылыми зерттеулер жүргізу, конференциялар, семинарлар, шеберлік сабақтары мен академиялық іс-шаралар өткізу, жас зерттеушілер арасында тәжірибе алмасу мүмкіндіктерін кеңейту мәселелері талқыланды.
Сұхбат соңында Өзбекстан мемлекеттік дене шынықтыру және спорт университеті мен Абай атындағы Қазақ ұлттық педагогикалық университеті арасында ынтымақтастық туралы меморандумға қол қойылды.
Өзбекстан мемлекеттік дене шынықтыру және спорт университетінің ректоры Р. Маткаримов пен Абай университетінің стратегия және халықаралық байланыстар жөніндегі проректоры Айгүл Искакова бұл меморандум достық қарым-қатынастарды одан әрі нығайтуға, білім мен ғылым саласындағы халықаралық ынтымақтастықты жаңа деңгейге көтеруге, профессор-оқытушылар алмасуын жолға қоюға, инновациялық жобаларды жүзеге асыруға және ғылыми-практикалық іс-шараларды бірлесіп ұйымдастыруға негіз болатынын атап өтті.
