ТМД Парламентаралық ассамблея өкілдері «Олимпияда қалашығымен» танысты
Ташкент қаласында Тәуелсіз Мемлекеттер Достастығы Парламентаралық ассамблеясының Мәдениет, ақпарат, туризм және спорт мәселелері жөніндегі тұрақты комиссиясының көшпелі отырысы өтті.
Жиынға қатысқан Ресей Федерациясы Федералдық Жиналысы Мемлекеттік Думасының Дене шынықтыру және спорт комитетінің төрағасы Олег Матицин мен Ресей Федерациясы Федералдық Жиналысы Мемлекеттік Думасының ТМД істері, Еуразиялық интеграция және отандастармен байланыс жөніндегі комитеті төрағасының орынбасары Ирина Роднина Ташкент қаласында бой көтерген «Олимпияда қалашығымен» жақынырақ танысты.
Қонақтар мұнда жасалған жағдайларға, спорт нысандары мен қолданыстағы инфрақұрылымның жұмысына жоғары баға берді.
Спорт министрлігі, Өзбекстан спорт академиясы, Олимпиада және паралимпиадалық даңқ музейінің басшылары мен мамандарымен болған кездесуде спорт саласындағы ынтымақтастықты дамыту және өзара тәжірибе алмасуға бағытталған жобалар талқыланды.
Талқылау барысында алдағы жоспарлар, бірлесіп ұйымдастырылатын спорт жарыстары мен іс-шаралар бағдарламасы айқындалды.
