Рохит Кханна АҚШ – Исроил ҳарбий ҳамкорлигига қарши чиқди
АҚШ Конгрессининг янги таркиби келаси йил январь ойида иш бошлаганда мамлакат ва Исроил ҳарбий кучлари интеграцияси назарда тутилган қоида бекор қилинишини устувор вазифа сифатида белгилаши керак. Бу ҳақда АҚШ Вакиллар палатаси аъзоси Рохит Кханна маълум қилди.
У ижтимоий тармоқдаги саҳифасида январь ойидан демократлар Конгресснинг ҳар икки палатасида кўпчилик ўрин эгаллаши, бу АҚШ Президенти Дональд Трампнинг сиёсий таъсири камаядиган давр бошланишини англатишини таъкидлади. Кханна АҚШ ва Исроил ҳарбий тузилмалари уйғунлашувини кўзда тутувчи мудофаа бюджети лойиҳаси 219-моддасидан хавотир билдирди ва партиядошларини ушбу қоидани лойиҳадан чиқариб ташлашга чақирди.
Жорий йил 23 июль куни Вакиллар палатаси 2027 йил учун мўлжалланган 1,15 триллион долларлик мудофаа бюджети лойиҳасини маъқуллаб, Сенатга юборган. Овоз беришда 216 конгрессмен ҳужжатни қўллаб-қувватлаган, 212 нафар ноиб қарши фикр билдирган. Сенатда ҳали мазкур лойиҳа бўйича овоз бериш ўтказилмаган. Ҳужжатнинг 219-моддасида АҚШ ва Исроил ҳарбийлари ҳамкорлигини чуқурлаштириш режаси акс этган. Яъни, Америка ҳарбий технология ишланмалари ва таъминот занжири Исроил мудофаа тизими билан интеграция қилиниши керак.
Шунингдек, 2030 йилга қадар Исроил билан ҳамкорликда яратиладиган дронга қарши тизим, ракетага қарши мудофаа ва сунъий интеллект каби 10 йўналишдаги технологияни АҚШ расмий ҳарбий дастурларига киритиш режалаштирилган.
Ф.Яхшибоева, ЎзА
