Қисқа хабарлар (+видео)
Ўзбекистон Президенти янги тайинланган хорижий элчилардан ишонч ёрлиқларини қабул қилди. Маҳаллий бюджетлар бошқарувида ўзгаришлар кутилмоқда. Бухоро ва Қашқадарёда коррупцион ҳолатлар фош этилди....Шунингдек, Юртимиз спортига оид янгиликлар билан "Қисқа хабарлар" дастури
28-июль куни хорижий давлатларнинг мамлакатимизга янги тайинланган элчилари томонидан ишонч ёрлиқларини топширишга бағишланган тантанали маросим ўтказилди.
Парламент қуйи палатаси мажлисида маҳаллий бюджетларни бошқаришда тезкорликни таъминлаш ва мустақилликни ошириш ҳамда бюджет жараёнининг самарадорлигини оширишга қаратилган қонун лойиҳаси биринчи ўқишда кўриб чиқилди.
Давлат хавфсизлик хизмати, Бош прокуратура ҳузуридаги Департамент ва Ички ишлар органлари ходимлари томонидан ўтказилган ҳамкорликдаги тезкор тадбирларда ер майдонларини расмийлаштириб бериш билан боғлиқ ноқонуний ҳаракатлар фош этилди.
Ўзбекистон миллий терма жамоаси октабр ойидаги ФИФА кунлари доирасида Осиёнинг энг кучли жамоаларидан бирига қарши майдонга тушади.
<iframe width="650" height="420" src="https://www.youtube.com/embed/ODMm07kXH9s" title="Qisqa xabarlar" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Зиёвуддин Нуриддинов, Ёқуб Мелибоев, ЎзА
