“ПСЖ” қаторасига иккинчи йил Европада тенгсиз
Европа чемпионлар лигасининг жорий мавсум финал учрашувига Венгрия пойтахти Будапешт шаҳридаги “Пушкаш Арена” стадиони мезбонлик қилди. Унда Англиянинг “Арсенал” ҳамда Франциянинг “ПСЖ” клублари бош соврин учун майдонга чиқди.
Учрашувнинг биринчи бўлим 6-дақиқасида Кай Ҳаверц ҳисобни очди ва “Арсенал”ни олдинга олиб чиқди. Шунингдек, иккинчи бўлимнинг 65-дақиқасида Усмон Дембеле пенальтини аниқ бажариб, ҳисобни тенглаштирди. Шу тариқа финал учрашувининг асосий вақти 1:1 ҳисобидаги дуранг билан якунланди. Шу боис, ҳар иккала жамоа қўшимча бўлимларга таклиф этилди. Қўшимча бўлимларда ҳам ҳисоб очилмади.
Пенальтилар сериясида “ПСЖ” 4:3 ҳисобида ғалаба қозонди ва кетма-кет иккинчи бор Чемпионлар лигаси ғолибига айланди.
Жавоҳир Тошхўжаев, ЎзА
