Prezident madaniyat va san’at sohasida ta’lim tizimini takomillashtirish masalasiga to‘xtaldi
Prezident Shavkat Mirziyoyevning madaniyat va san’at sohasi xodimlari bilan uchrashuvi bo‘lib o‘tmoqda.
Bu borada, avvalo, umumta’lim maktablarida musiqa, tasviriy san’at va texnologiya darslari “art” o‘quv dasturi asosida takomillashtirilishi belgilandi.
Ushbu yo‘nalish bolani kreativ fikrlash, jamoaviy ishlashga o‘rgatadi, unda estetik did, emotsional intellekt va innovatsion tafakkurni shakllantiradi.
Mutasaddilarga yangi o‘quv yilidan har bir viloyatdagi 10 tadan umumta’lim maktabida tajriba tarzida art yo‘nalishini joriy qilish topshirildi.
Bunda 1-4-sinfda bolalar rasm, musiqa va o‘yinlar orqali ijodga, madaniyat va san’atga qiziqtiriladi, 5-7-sinf o‘quvchilariga ijodiy jamoada ishlash va o‘z fikrini erkin ifoda etish, 8-9-sinflarda dizayn, grafika va sun’iy intellekt orqali kreativ loyihalarni ishlab chiqish, 10-11-sinflarda ushbu loyihalarni tayyor mahsulotga aylantirish o‘rgatiladi.
O‘zA
