Ўзбекистонлик пойгачи Бельгия трассасида муваффақиятга эришди
Ўзбекистонлик пойгачи Исмоил Аҳмадхўжаев Бельгияда ўтказилган “Ultimate Cup Series”нинг навбатдаги босқичида муваффақиятга эришди.
Бельгиянинг Спа-Франкоршам трассасида ўтган “Ultimate Cup Series” мусобақасида Исмоил Аҳмадхўжаев мустақил пойгачи Роман Русинов билан биргаликда “Rossa LM GT” автомобилида баҳс олиб борди.
Мусобақа давомида об-ҳавонинг ўзгариши ва трассанинг бир неча бор намланишига қарамай, экипаж юқори суръатни сақлаб қолди. Саралаш баҳсларида эса иккита поул-позиция қўлга киритилди.
Босқич якунига кўра, Исмоил Аҳмадхўжаев жамоаси иккита поул-позиция ва иккита подиум билан пешқадамликка эришди.
Т.Рўзиев,
ЎзА
