Ўзбекистонлик номзод "World Boxing" вице-президентлигига даъвогар
Ўзбекистон бокс федерацияси бош котиби Шоҳид Тиллабоев номзоди "World Boxing" ташкилоти вице-президентлигига даъвогарлар қаторида қайд этилди.
Олимпия боксининг бош органи ҳисобланган “World Boxing” ташкилотининг вице-президентлигига ҳамюртимиздан ташқари Рауан Игенев (Қозоғистон), Иштван Ковач (Венгрия), Мэттью Холт (Буюк Британия), Павел Гинек (Чехия), Мариам Дондуа (Грузия) ва Найеф ал Ҳошим (Иордания) номзодлари кўрсатилган.
Эслатиб ўтамиз, жорий йилнинг 20 ноябрь куни “World Boxing” ташкилотининг конгрессида ташкилот вице-президенти учун сайловлар бўлиб ўтади.
Т.Рўзиев,
ЎзА
