Ўзбекистон терма жамоасининг навбатдаги учрашувлар учун таркиби маълум бўлди

Ўзбекистон миллий терма жамоаси бош мураббийи Фабио Каннаваро навбатдаги ўқув-машғулот йиғинига жалб этилган футболчилар рўйхатини эълон қилди.

Футбол бўйича Ўзбекистон миллий терма жамоаси 21 сентябрь куни навбатдаги йиғинни бошлайди. Йиғин доирасида жамоамиз 24 сентябрь куни Эрон, 1 октябрь куни Сурия ҳамда 6 октябрь куни Жанубий Кореяга қарши халқаро ўртоқлик учрашувларида майдонга тушади.

Бош мураббий Фабио Каннаваро мазкур баҳсларга қуйидаги футболчиларни жалб қилди:

Дарвозабонлар:

Абдувоҳид Неъматов («Насаф»), Владимир Назаров («Пахтакор»), Эдем Неманов («Динамо» Самарқанд), Самандар Муратбаев («Насаф»).

Ҳимоячилар:

Абдуқодир Ҳусанов («Манчестер Сити», Англия), Нурмуҳаммад Абдуғаниев («Нефтчи»), Муҳаммадрасул Абдумажидов («Пахтакор»), Маҳмуджон Маҳамаджонов («Динамо» Махачкала, Россия), Муҳаммад Ҳакимов («Бунёдкор»), Ҳожиакбар Алижонов («Пахтакор»), Шерзод Насруллаев («Пахтакор»), Беҳрузжон Каримов («Лугано», Швейцария), Ғиёсжон Ризақулов («Қизилқум»), Жаҳонгир Ўрозов («Рубин» Қозон, Россия).

Ярим ҳимоячилар:

Умарали Раҳмоналиев («Сабаҳ», Озарбайжон), Достонбек Ҳамдамов («Пахтакор»), Акмал Мозговой («Пахтакор»), Азизжон Ғаниев («Банияс», БАА), Одилжон Ҳамробеков («Трактор», Эрон), Аббос Файзуллаев («Башакшеҳир», Туркия), Жасур Жалолиддинов («Сўғдиёна»), Руслан Жиянов («Навбаҳор»), Сардор Баҳромов («Насаф»), Шерзод Эсанов («Бухоро»), Азиз Холмуродов («Олмалиқ»), Азизбек Тўлқинбеков («Бунёдкор»), Беҳруз Ўктамов («Сурхон»), Диёр Холматов («Навбаҳор»).

Ҳужумчилар:

Элдор Шомуродов («Башакшеҳир», Туркия), Азизбек Амонов («Динамо»), Ҳусайн Норчаев («Навбаҳор»), Муҳаммадали Ўринбоев («Антверпен», Бельгия).

Қайд этиш жоиз, Ўзбекистон олимпия терма жамоасининг беш нафар футболчиси ҳам мазкур йиғин таркибига киритилган. Айни пайтда улар Японияда ўтказилаётган Осиё ўйинларида иштирок этмоқда.

Жавоҳир Тошхўжаев, ЎзА