Осиёда чип ишлаб чиқарувчилар акцияси нархи кескин тушиб кетди

Осиё фонд бозорида ярим ўтказгич ишлаб чиқарувчи компаниялар акцияси кескин арзонлашди.

Инвесторлар сунъий интеллект соҳасидаги сармоя истиқболи ва Хитойда рақобат кучайиши туфайли хавотир ортиши ортидан акцияларини фаол равишда сотишга ўтди.

Энг кўп йўқотиш Жанубий Кореяда кузатилди. “Samsung Electronics” акцияси нархи 13,4 фоиз, “SK Hynix” акцияси қиймати эса 14 фоиз тушди. Бу икки компания мамлакатнинг KOSPI индекси таркибида салмоқли улушга эга бўлгани учун ҳам қарийб 9,4 фоиз қимматини йўқотган.

Япониянинг “Kioxia Holdings” акцияси қарийб 18 фоиз, Тайваннинг “MediaTek” компанияси қимматли қоғози эса 9 фоиздан кўпроқ арзонлади.

Таҳлилчилар фикрича, бозордаги салбий кайфиятга сунъий интеллект инфратузилмасини молиялаштириш билан боғлиқ хавотир, Хитойнинг чип ишлаб чиқариш технологияcидаги муваффақияти ҳамда Чин диёри ишлаб чиқарувчиларининг хотира чипи глобал бозорида рақобатни кучайтириши ҳақидаги тахмин сабаб бўлган.

Д.Ҳакимов, ЎзА