Navbatdagi qasamyod va bitiruv tadbiri bo‘lib o‘tdi (+video)
Ichki ishlar vazirligi O‘quv-dala markazida Malaka oshirish institutida boshlang‘ich kasbiy tayyorgarlik o‘quv kurslarida tahsil olayotgan 590 nafarga yaqin tinglovchilarning qasamyod va bitiruv tantanali marosimi bo‘lib o‘tdi.
Unda vazirlik va institut rahbariyati, kafedra, sikl, bo‘lim boshliqlari, professor-o‘qituvchilar, faxriylar, keng jamoatchilik vakillari va ommaviy axborot vositalari xodimlari ishtirok etdilar.
Tadbirda Vatanimiz mustaqilligi, davlat xavfsizligi va chegaralarimiz daxlsizligini ko‘z qorachig‘idek asrash, professional va xalqchil ichki ishlar organlari xodimlarini shakllantirish, xizmat nufuzini oshirish, jamiyatda tinchlik va barqarorlikni, xalqimiz osoyishtaligini ta’minlash, ichki ishlar organlari xodimlari va ularning oila a’zolarini ijtimoiy qo‘llab-quvvatlash borasida katta ishlar amalga oshirilayotganligini alohida ta’kidlandi.
Mamlakatimizda keyingi yillarda huquqbuzarliklar profilaktikasi va jinoyatchilikka qarshi kurashishning mutlaqo yangicha tizimini yaratilganligi, ichki ishlar organlarini el-yurtimizning ishonchi va mehrini qozongan, tom ma’noda xalqparvar tizimga aylantirishga qaratilgan keng ko‘lamli islohotlar amalga oshirilayotganligini ta’kidlab o‘tdilar va bitiruvchilarga kelgusi sharafli xizmat faoliyatlarida muvaffaqiyatlar tiladilar.
Ichki ishlar organlari salohiyatini oshirish borasidagi ishlarni yangi bosqichga olib chiqish, yoshlarni harbiy-vatanparvarlik ruhida tarbiyalash, ularning ona yurtga mehri va sadoqatini oshirishga O‘quv-dala markazidagi o‘quv jarayonlarida alohida e’tibor qaratilganligini e’tirof etdilar.
Fuqarolarga qonun doirasida xizmat ko‘rsatish, turli qaltis vaziyatlarda ruhiy barqaror bo‘lish, tezkor va to‘g‘ri qaror qabul qilish, jismoniy kuch ishlatish, maxsus vositalarni qo‘llash, o‘q otar qurollardan mohirona foydalanish bo‘yicha ko‘nikmalarimiz shakllandi. Institutda olgan bilim va ko‘nikmalarimizni kelgusida ona Vatanimiz ravnaqi, xalqimizning tinchligi, fuqarolarimizning huquqlarini himoya qilishga safarbar etamiz.
Tantanali tadbirda o‘quv dasturlar talablarini to‘liq o‘zlashtirilgan yakuniy sinov-imtihonlarni muvaffaqiyatli topshirgan tinglovchilarga sertifikatlar tantanali ravishda topshirildi.
Shuningdek, o‘quv kursi davomida o‘zining kasbiy bilimlarini oshirish, amaliy ko‘nikmalarini takomillashtirish, dunyoqarashini yanada kengaytirishga intilib, yuqori ko‘rsatkichlarga erishgani va namunali xulqi uchun bir guruh tinglovchilar faxriy yorliq bilan taqdirlandi.
Батафсил: <iframe width="640" height="350" src="https://www.youtube.com/embed/Y9_pXsSweh0" title="Navbatdagi qasamod va bitiruv tadbiri o‘tkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Muhayyo Turdaliyeva, Salimjon Obidjonov, O‘zA
