МУСТАҚИЛЛИК СОЛНОМАСИ: 1992 йил (+видео)
"Мустақиллик солномаси" лойиҳаси мустақиллигимизнинг шонли 35 йили давомидаги тарихий босқичлар, эришилган ютуқлар ва бунёдкорлик ишларини бирма-бир ёритишда давом этади.
2 март. Ўзбекистон Республикаси энг нуфузли халқаро ташкилот – Бирлашган Миллатлар Ташкилоти (БМТ)га аъзо бўлди.
6 март. Тошкентда АҚШнинг Ўзбекистондаги элчихонаси очилиш маросими бўлиб ўтди. Бу Ўзбекистонда чет мамлакатлар очган биринчи элчихона эди.
23 март. Ўзбекистон Республикаси Халқаро Олимпия қўмитасига аъзо бўлди.
2 июл. "Ўзбекистон Республикаси Давлат герби тўғрисида“ги Қарор қабул қилинди.
8 декабрь. Ўзбекистон Республикаси Олий Кенгаши Ўзбекистон Республикаси Конституциясини қабул қилди ва ўз қарори билан шу кунни умумхалқ байрами деб эълон қилди.
8 декабрь. Қабул қилинган янги Конституцияда парламент номи Олий Мажлис деб аталаши белгилаб қўйилган.
10 декабрь. Ўзбекистон Республикаси Олий Кенгаши Ўзбекистон Республикасининг Давлат мадҳиясини тасдиқлади.
29 декабрь. Ҳар йили 14-январь кунини Ватан ҳимоячилари куни сифатида нишонлаш тўғрисида Ўзбекистон Республикаси Олий Кенгаши Қонун қабул қилди.
<iframe width="650" height="420" src="https://www.youtube.com/embed/Y8hxzIAzzMA" title="Mustaqillik solnomasi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>М.Турдалиева, Н.Абдувоитов (видео), ЎзА
