Мария Тимофеева Туркияда финалга чиқди
Теннис бўйича Ўзбекистон терма жамоасининг учинчи рақамли теннисчиси Мария Тимофеева Туркиянинг Истанбул шаҳрида аёллар ўртасида давом этаётган WTA125 таснифига кирувчи халқаро турнир финалига йўл олди.
Аниқроқ айтадиган бўлсак, мазкур мусобақанинг ярим финалида Мария Тимофеева франциялик Алисе Тубеллога қарши кортга чиқди ва 6:4, 4:6, 6:0 ҳисобида ғалаба қозониб, сўнгги ҳал қилувчи финал босқичида иштирок этиш ҳуқуқини қўлга киритди.
Энди теннисчимиз мусобақа финалида турнирнинг энг кучли теннисчиси дея эътироф этилаётган хорватиялик Донна Векичга қарши баҳс олиб боради.
Мазкур ўйин 10 май куни мамлакатимиз вақти билан соат 16:00 дан сўнг ташкил этилади.
Жавоҳир Тошхўжаев, ЎзА
