Ипотека кредитлари ажратиш ҳажми 13,1 трлн сўмга етди (+видео)
2026 йилнинг биринчи ярим йиллигида тижорат банклари томонидан 42,6 минг нафар фуқарога жами 13,1 трлн сўмлик ипотека кредити ажратилди. Бу ўтган йилнинг мос даврига нисбатан 3,6 трлн сўмга кўп.
Ажратилган ипотека кредитларининг 75 фоизи (9,8 трлн сўм) бирламчи уй-жой бозорига, 25 фоизи (3,3 трлн сўм) эса иккиламчи бозорга йўналтирилди. Бу янги қурилган уй-жойларга талаб юқори бўлиб қолаётганини кўрсатади.
Ипотека кредитларининг ўртача фоиз ставкалари молиялаштириш манбасига қараб 16,8–21,6 фоиз оралиғида шаклланди. Хусусан, республика бюджети ҳисобидан ажратилган кредитларда ўртача ставка 16,8 фоиз, банк маблағлари ҳисобидан 20,1 фоиз, Ўзбекистон ипотекани қайта молиялаштириш компанияси маблағлари ҳисобидан эса 21,6 фоизни ташкил этди.
Банклар кесимида ҳисобот даврида энг кўп ипотека кредити Халқ банки томонидан ажратилган – 2,2 трлн сўм. Кейинги ўринларда Агробанк (2,0 трлн сўм) ва Миллийбанк (1,7 трлн сўм) қайд этилди.
<iframe width="650" height="420" src="https://www.youtube.com/embed/q7ertZHPuiM" title="Ipoteka kreditlari ajratish hajmi 13,1 trln so‘mga yetdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>М.Турдалиева, И. Исматов (видео), ЎзА
