“Икки қутб орасида” китоби тақдимоти бўлиб ўтди (+видео)
Ўзбекистон Миллий кутубхонасида таниқли дипломат ва элчи Ёдгорхўжа Шодмоновнинг “Икки қутб орасида” китоби тақдимоти бўлиб ўтди.
“Янги саҳифа” нашриётида чоп этилган мазкур китобда муаллифнинг Афғонистондаги дипломатик фаолияти, кузатувлари, таҳлиллари ва теран фалсафий мушоҳадалари баён қилинган.
Мемуар жанрида ёзилган мазкур ҳужжатли-бадиий ва фалсафий-маънавий асарда Й.Шодмонов воқеаларни баён этмасдан, балки ўз қалб изтироблари, Шарқ дипломатиясининг ўзига хос нозикликлари, инсон тақдири ва ҳаётнинг қарама-қарши қирралари, яъни қутбларини таҳлил қилади.
Тақдимотда сўзга чиққанлар китобнинг аҳамияти, муаллифнинг баён этиш услуби,афғон халқига бўлган чексиз эҳтироми ҳақида фикр билдирдилар. “Икки қутб орасида” китоби дипломатлар, афғоншунослар, минтақашунослар, профессор-ўқитувчилар, талабалар, илмий тадқиқотчилар ҳамда кенг китобхонлар оммаси учун мўлжаллангани билан аҳамиятлидир.
<iframe width="815" height="458" src="https://www.youtube.com/embed/0yvYaoY4Moc" title="“Ikki qutb orasida” kitobi taqdimoti bo`lib o`tdi " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳайё Турдалиева, Анвархўжа Аҳмедов (видео), ЎзА
