Икки боксчимиз WBA рейтингида пешқадам
Бутунжаҳон бокс ассоциацияси (WBA) профессионал боксчиларнинг янгиланган рейтингини эълон қилди. Унга кўра, рейтингдан 9 нафар боксчимиз ўрин олган бўлиб, уларнинг икки нафари ўз вазн тоифасида пешқадамлик қилмоқда.
Аниқроқ айтадиган бўлсак, WBA рейтингида Бектемир Мелиқўзиев супер ўрта вазн тоифасида биринчи ўринга кўтарилган бўлса, Муҳаммад Шехов биринчи ярим енгил вазн тоифасида етакчи бўлиб турибди. Ушбу вазн тоифасида Муроджон Аҳмадалиев ҳам кучли учликдан жой олган.
Шунингдек, янгиланган рейтингда Ҳасанбой Дўсматов минимал вазн тоифасида 6-ўринни, Исроил Мадримов супер ярим ўрта вазнда 7-ўринни эгаллаган. Отабек Холматов ярим енгил вазнда, Шаҳрам Ғиёсов эса ярим ўрта вазнда 8-ўринларда қайд этилган. Сирочбек Исмоилов енгил вазнда, Руслан Абдуллаев биринчи ярим ўрта вазнда 13-ўриндан жой олган.
Жавоҳир Тошхўжаев, ЎзА
