Глобал исишда метаннинг ҳиссаси катта
– Метан чиқиндисини камайтириш ва электрлаштиришни тезлаштириш чораси глобал исишини икки баробар камайтириши мумкин, – дейди БМТ Иқлим ўзгариши бўйича Доиравий конвенцияси ижрочи котиби Саймон Стил.
Мутахассис таъкидлашича, айниқса нефть, газ ва чиқинди секторида метан “ўта ифлослантирувчи” восита ҳисобланади.
– Биргаликда кўрилган метан чиқиндисини камайтириш ва электрлаштиришни тезлаштириш чораси сайёра учун “совуқ компресс” вазифасини бажаради, – деди Стил Анталияда бўлиб ўтган БМТ Иқлим ўзгариши бўйича Доиравий конвенцияси (CОР31) анжуманида. – Шу йўл билан глобал исишни ярим даражасигача камайтиради. Шу тариқа ҳарорат ҳаддан зиёд кўтарилишини жиловлашнинг энг самарали усулидан фойдалана оламиз. Мазкур амалий ечим изчил амалга оширилиши орқали иқлимни мақбул чегарада ушлаб туриш мумкин.
Метан карбонат ангидриддан кейин иқлим ўзгаришига энг кўп салбий таъсир этадиган иккинчи газ ҳисобланади. 6 ноябрь куни Европа Иттифоқи кенгаши Яқин Шарқдаги можаро ортидан юзага келган энергия бозоридаги узилиш туфайли нефть, газ ва кўмир импорти учун метан чиқиндисини назорат қилиш билан боғлиқ жорий қилинган айрим талаблар ижроси муддатини бир йил кечиктиришга рози бўлди.
С.Раҳимов, ЎзА
