Flik Rodrining “Barselona”dagi ilk o‘yini qachon bo‘lishini aytdi
Jamoa bosh murabbiyi Hans-Diter Flik 30 yoshli yarim himoyachiga “Atletik” Bilbaoga qarshi uchrashuvda o‘yin amaliyoti berishni rejalashtirayotganini bildirdi.
“Barselona”ning yangi futbolchisi Rodri ertangi o‘yindayoq kataloniyaliklar safida ilk bor maydonga tushishi mumkin.
Jamoa bosh murabbiyi Hans-Diter Flik 30 yoshli yarim himoyachiga “Atletik” Bilbaoga qarshi uchrashuvda o‘yin amaliyoti berishni rejalashtirayotganini bildirdi.
“Rejamiz — unga bir necha daqiqa imkoniyat berish”, — dedi germaniyalik mutaxassis.
Flik, shuningdek, Rodri va Pedrining markazdagi hamkorligidan katta umid qilayotganini yashirmadi. Murabbiyning fikricha, Rodrining tajribasi va yetakchilik xususiyatlari jamoaga muvozanat bersa, Pedrining texnikasi va to‘p bilan ishlash mahorati bu tandemni yanada kuchaytirishi mumkin.
“Rodri dunyoning eng kuchli futbolchilaridan biri. Pedri bilan birga ular juda yuqori saviyada o‘ynashiga ishonaman. Ularni bir jamoada ko‘rishni intiqlik bilan kutyapman”, — dedi Flik.
“Barselona” Rodri transferini 18-avgust kuni rasman e’lon qilgan edi. Futbolchi bilan 2030-yilning 30-iyuniga qadar shartnoma tuzilgan.
Transfer uchun kataloniyaliklar 60 mln yevro kafolatlangan mablag‘ to‘laydi. Turli bonuslar ishga tushsa, umumiy summa yana 11 mln yevroga oshishi mumkin.
