Ер муносабатларини тартибга солишда тарихий фармон (+видео)
Президентимизнинг 2025 йил 3 февралда қабул қилган “Қишлоқ хўжалиги экин майдонлари унумдорлигини ошириш, тармоққа инвестициялар жалб қилиш учун қулай шарт-шароит яратиш бўйича навбатдаги чора-тадбирлар тўғрисида”ги фармони ер участкаларини ижарага олишда, қишлоқ хўжалигида бозор муносабатларини янада шакллантиришда, жойларда янги мулкдорлар қатламини вужудга келтиришда, озиқ-овқат хавфсизлигини таъминлашда муҳим ҳуқуқий ҳужжат бўлди.
Биринчи босқичда Қорақалпоғистон Республикаси, Андижон, Жиззах, Наманган, Тошкент ва Фарғона вилоятлари мазкур янги тизим асосида ер участкаларини ижарага беради. Тажриба-синов муваффақиятли амалга ошган тақдирда қолган ҳудудларга ҳам тадбиқ этилади. Шу ва фармонда кўзда тутилган бошқа муҳим жиҳатлар хусусида Қишлоқ хўжалиги вазирлигининг бўлим бошлиғи Абдухалил Қодиров билан суҳбатлашдик.
- Ушбу фармоншу йўналишда авваллари қабул қилинган ҳуқуқий ҳужжатлардан нимаси билан фарқ қилади?
- Президентимизнинг 2021 йилда бу йўналишда фармони қабул қилинганди ва ер участкаларини 2022 йилдан бошлаб очиқ электрон танлов асосида аҳолига ижарага бериш бошланди. 2024 йилда яна Президентимизнинг 15-сонли фармонлари қабул қилиниб, қишлоқ хўжалигига мўлжалланган ер участкаларини аукцион савдолар орқали ижарага бериш тартиби жорий қилинди. Қабул қилинган 18-сонли фармон эса амалга оширилаётган чора-тадбирлар ва ислоҳотларнинг узвий давоми сифатида кўриш мумкин. Чунки, бу ҳозирги кунда туман заҳирасида бўш турган, асосан пахта, ғалладан қисқартирилган майдонлар бўлиб, 3316 гектар ер майдонлари аукцион савдолари орқали ижара ҳуқуқи асосида бериш белгиланди. Бунда имтиёзлар ҳам тадбиқ этилади. Яъни, аввалги ҳужжатларимизда фақатгина ўша ҳудуддаги юридик ва жисмоний шахслар ер участкаларини олиш учун аукцион савдоларда қатнашиши мумкин бўлган бўлса, ПФ-18 фармони билан Ўзбекистон Республикасининг барча ҳудудларидан аукцион савдоларда фуқаролар қатнашиб, ер участкаларини ижарага олиш ҳуқуқини қўлга киритишлари мумкин. (давоми видеода)
<iframe width="560" height="315" src="https://www.youtube.com/embed/xYbu175UA3c?si=MuWoLxyE7bm2bZFX" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Санжар Тошпўлатов, Дониёр Якубов, Улуғбек Тўхтаев, ЎзА
