Dunyo suratlarda
O‘zA o‘quvchilarni jahonda sodir bo‘lgan voqea-hodisalardan suratlar yordamida boxabar etishda davom etadi.
Iroq. Erbil shahrida ko‘zlari katta, ko‘rish qobiliyati nihoyatda yaxshiligi bilan ajralib turadigan sakrovchi o‘rgimchak turi tasvirga tushirildi. O‘ljasini to‘r to‘qib emas, balki chaqqon sakrab tutadigan ushbu zararsiz jonzot asosan pashsha va boshqa mayda hasharot bilan oziqlanib, tabiiy ekotizim muvozanatini saqlashga hissa qo‘shadi.
Hindiston, Yangi Dehli. “Cockroach Janta Party” tarafdorlari ta’lim vaziri iste’fosini talab qilib, parlament tomon yurishga harakat qildi. Namoyishchilar politsiya o‘rnatgan to‘siq yonida tasvirga tushirilgan.
AQSH, Viskonsin. Xeyvord shahrida o‘tkazilayotgan Yog‘och kesish bo‘yicha jahon chempionati doirasida bahorgi tramplinda daraxtni chopish musobaqasi bo‘lib o‘tdi. Ishtirokchilar an’anaviy ravishda o‘ziga xos kuch va mahorat talab qiladigan mazkur bellashuvda o‘z qobiliyatini namoyish etdi.
Grenlandiya, Kangerlussuak. Charlz universiteti tadqiqotchilari muzlik yaqinida olti hafta ishlab, eriyotgan muz suvidagi uglerod va organik moddalarni o‘rganmoqda. Ushbu bepoyon orol-davlat muz qalqoni so‘nggi yillarda juda tez eriyapti.
Ruminiya. Dunay daryosi sathi so‘nggi 30 yillik eng past ko‘rsatkichga tushgani bois, Kelerash hududida chorva mollari daryo sohilida bemalol yuribdi.
Kanada. Toronto shahrida har yili o‘tkaziladigan Karib yoshlar karnavali yosh ishtirokchilari tadbir davomida mahalliy madaniyat, an’ana va urf-odatni ifodalagan rang-barang chiqishlar namoyish etdi.
Xitoy, Silin Gol ittifoqi. Ichki Mo‘g‘ulistondagi milliy xiyobonlardan birida joylashgan dasht vulqoni. Ushbu hudud noyob tabiiy manzarasi va vulqon shakli bilan ajralib turadi.
Indoneziya. Jakarta shahridagi Menteng bog‘ida o‘tkazilayotgan “Jakarta Provoke-2026” madaniy tadbiri doirasida namoyishga qo‘yilgan san’at asarlaridan birini ko‘rib turibsiz.
Fardona Yaxshiboyeva, O‘zA
